მომხმარებლის უფლებების დაცვის პოლიტიკა

„გირო კრედიტი“ უერთდება მომხმარებელთა დაცვის საერთაშორისო კამპანიას Smart Campaign.

„სმარტ კამპანია“ გულისხმობს ყველა ფინანსური პროდუქტის ფასის, ვადების და პირობების სრულ გამჭვირვალობას. სმარტ კამპანიის ფინანსური ჩართულობის სერვისის წარმომადგენელი მუშაობს კლიენტებთან, რათა მათ მიერ არ მოხდეს იმაზე მეტი ფულის სესხად აღება, რომლის დაფარვაც მათ არ შეუძლიათ ან გამოიყენონ ისეთი პროდუქტი, რომელიც არ სჭირდებათ. ფინანსური ჩართულობის სერვისი პატივისცემით ეპყრობა კლიენტებს და გააჩნია მაღალი ეთიკური სტანდარტები. კლიენტების უფრო ეფექტურად მომსახურეობის მიზნით, სმარტ კამპანიის ჩართულობის სერვისი საშუალებას იძლევა კლიენტთა მიერ წარმოდგენილი საჩივრები დაკმაყოფილებულ იქნეს უფრო ეფექტური გზით, ასევე ფინანსური ჩართულობის სერვისი უზრუნველყოფს კლიენტის პირადი მონაცემების დაცულობას.

საიმედო ფინანსური ჩართულობის სერვისი იცავს კლიენტებს, ბიზნესებსა და ზოგადად ამ სფეროს სრულად.

სმარტ კამპანია მოიცავს ძირითად კლიენტთა დაცვის პრინციპებს, რათა ხელი შეუწყოს ფინანსური მომსახურების მიმწოდებლებს ეთიკის დანერგვაში და სწორად გამართული ბიზნესის მართვაში. კლიენტთა დაცვის პრინციპები წარმოადგენენ იმ მინიმალურ სტანდარტებს, რომლებსაც კლიენტები ფინანსური მომსახურების მიმწოდებლებისგან მოელიან. ეს პრინციპები გამოიყო იმ ინოვაციური სამუშაო მიდგომიდან, რომელიც მიმწოდებლებმა, საერთაშორისო ქსელებმა და ეროვნულმა მიკროსაფინანსო ასოციაციებმა კლიენტებზე ორიენტირებული ქცევისა და პრაქტიკის განვითარების მიზნით შეიმუშავეს. ფინანსური ჩართულობის ინდუსტრიის ფარგლებში არსებობს კონსენსუსი, რომ ფინანსური მომსახურების მიმწოდებლებმა უნდა დაიცვან შემდეგი ძირითადი პრინციპები:

• შესაფერისი პროდუქტის შექმნა და მიწოდება
  მიმწოდებლები ვალდებულნი არიან სათანადოდ იზრუნონ ისეთი პროდუქტების და მიწოდების არხების შექმნაზე, რომლებიც არ დააზარალებენ მომხმარებლებს. პროდუქტისა და მიწოდების არხები მორგებული იქნება კლიენტების მოთხოვნილებებზე.
• ჭარბვალიანობის პრევენცია
  ჭარბვალიანობის თავიდან აცილების მიზნით, მომსახურების  მიმწოდებლები საკრედიტო პროცესის ყველა ეტაპზე მიიღებენ სათანადო ზომებს, რათა დადგენილ იქნას, რომ კლიენტებს აქვთ შესაძლებლობა გადაიხადონ დაკისრებული თანხა. გარდა ამისა, მომსახურების მიმწოდებლები განახორციელებენ და გააკონტროლებენ შიდა სისტემებს, რომლებიც მიმართულია ჭარბვალიანობის პრევენციისკენ და ხელს შეუწყობს საბაზრო დონის საკრედიტო რისკების მართვის გაუმჯობესებას (როგორიცაა საკრედიტო ინფორმაციის გაზიარება).
• გამჭვირვალობა
  მომსახურების მიმწოდებლები ვალდებულნი არიან აწარმოონ მოლაპარაკებები კლიენტებთან მათთვის ნათლად გასაგებ ენაზე, მიაწოდონ ყოვლისმომცველი და დროული ინფორმაცია, რათა კლიენტებმა შეძლონ დასაბუთებული გადაწყვეტილებების მიღება. განსაკუთრებული ყურადღება უნდა მიექცეს პროდუქტის ფასებთან, ვადებთან და პირობებთან დაკავშირებული  ინფორმაციის სრულ გამჭვირვალეობას.
• გონივრული ფასები
  ფასები, ვადები და პირობები უნდა იყოს აუცილებლად ხელმისაწვდომი  კლიენტებისთვის, რაც უზრუნველყოფს ფინანსური ინსტიტუტების მდგრადობას. მომსახურების მიმწოდებლები შეეცდებიან უზრუნველყონ დეპოზიტებიდან ფაქტიური მომგებიანობის განაკვეთის შემცირება.  
• კლიენტების სამართლიანი და ღირსეული მოპყრობა
  ფინანსური მომსახურების მიმწოდებლები და მათი აგენტები სამართლიანად და პატივისცემით მოეპყრობიან კლიენტებს. ისინი არ იქნებიან შევიწროვებული. პროვაიდერები უზრუნველყოფენ კორუფციის გამოვლენასა და იძლევიან მათი გამოსწორების სათანადო გარანტიებს, აგრეთვე გამოავლენენ მათი თანამშრომლებისა და აგენტების მიერ კლიენტების მიმართ აგრესიულ ან შეურაცხმყოფელ მოპყრობას, განსაკუთრებით სესხის გაყიდვებისა და სესხის ამოღების პროცესში.
• კლიენტის მონაცემების კონფიდენციალურობა
  ინდივიდუალური კლიენტების მონაცემთა კონფიდენციალურობა დაცული იქნება ინდივიდუალური იურისდიქციის კანონებისა და რეგულაციების შესაბამისად. ამგვარი მონაცემები გამოყენებული იქნება მხოლოდ იმ მიზნებისთვის, რომლებიც განსაზღვრულია ინფორმაციის შეგროვებისას ან კანონით ნებადართული ნებისმიერი შემთხვევის დროს, თუ კლიენტთან სხვაგვარი შეთანხმება არ არსებობს.
• საჩივრის განხილვის მექანიზმები
  კლიენტების საჩივრებისა და პრობლემის გადაწყვეტისთვის მომსახურების მიმწოდებლებს გაწერილი ექნებათ დროული რეაგირების მექანიზმები და გამოიყენებენ აღნიშნულ მექანიზმებს, როგორც ინდივიდუალური პრობლემების მოსაგვარებლად, ასევე მათი პროდუქციისა და მომსახურების გაუმჯობესების მიზნით.